ХАМТДАА: ШИНЭ ЖИЛИЙН МЭНД ХҮРГЭЕ.

ТЭНГЭРИЙН БҮСГҮЙ

Газраас нь нар мандаж буй мэт байдаг зүүн хязгаар тал нутагт төрж өссөн. Тал шигээ уужим сэтгэлээр бусдыг хайрлаж, бусдад чин сэтгэлээсээ хандаж туслах үнэхээр дуртай, хэнийг ч хуурахгүй үнэнч шударга байж үргэлж аз жаргалтай инээж амьдрах дуртай ч хааяа нэг бодолд дарагдчихдаг, өнөө цагийн нийгмийн янз бүрийн үзэгдэлд сэтгэл даанч нэг гундуу байдаг, харин Монголын залуучуудад үүнийг өөрчлөх боломж бий гэдэгт итгэдэг. Хайрлаж дурласан миний сайхан хань, эвийлж энхрхийлж өсгөж хүмүүжүүлж буй үр хүүхэд, тэмцэж тэмүүлж бүтээж буй бидний амьдрал, өдий зэрэгт хүргэсэн амьд бурхад аав ижий, сайхан сэтгэл, тэнгэр, энэ бүгдийг шүтэж амьдардаг жирийн нэгэн монгол бүсгүй дээ.

ТАНД ХЭЛМЭЭР БАЙНА..

Дуугүйхэн суугаад чимээгүйхэн уйлмаар байна.
Учрыг нь бүү асуугаарай
Дундрашгүй зовлонгийн тухай бодолхийлмээр байна.
Утгийг нь бүү лавлаарай
Дасал болдоггүй орчлонг далд ортол муулмаар л байна.
Үгийг минь бүү таслаарай
Дандаа олддоггүй жаргалыг мөрөөдмөөргүй байна.
Намайг бүү зэмлээрэй

Энгэрийг чинь түшээд уйлмаар байна.

Нулимсыг минь битгий арчаарай

Эрхэлж бас гомдолломоор байна.
Намайг битгий аргадаарай
Эргэж хургах амьдарлынхаа тухай хуучилмаар байна.

Сэтгэлийг минь бүү хөндөөрэй
Эгэл сайхан л баймаар л байна.
Элдэвлэж бүү шоолоорой.
Надад итгэ.

ТА

Өөрийн дутагдлаас гадна та сайхан,
учир нь та бол хүн. . .
учир нь та дэлхий ертөнц дээр амьдардаг. . .
учир нь та давтагдашгүй. . .
учир нь та чармайн мэрийдэг. . .
учир нь та аз сорихыг хүсдэг. . .
учир нь та азгүйтлийг даван туулж, алдаан дээрээ суралцдаг. . .
учир нь та зовлон. . . цөхрөл. . . ганцаардлыг мэдэрдэг. . .
учир нь та хэн нэгэнд туслахад бэлэн байдаг. . .
учир нь та хэний ч олж хараагүй зүйлийг ажигладаг. . . учир нь та бол өөрийн давуу тал, сул тал, итгэл найдвар болон хязгааргүй боломж бүхий та юм гэдгийг үргэлж санаж бай.

ЭРХ ЧӨЛӨӨ

Чөлөөтэй, омголон дураараа байх би дуртай!
Чөдрөөн тасдаж гүйдэг моринд адуу адуунаас хайртай! Талын шувуу торонд бус талдаа жиргэх дуртай
Тааваараа бус орчлон өөрөө эрх чөлөөнд дуртай!
Хязгаар үгүй эрх чөлєөө хаана ч харин байдаггүй
Хазааргүй унаа, бүслүүргүй гэр гэж байдаггүй
Эрх чөлөө гэж хичнээн ч хашгирлаа гэсэн
Энэхэндээ гэж хэлэхэд би хорионд байх дуртай!
Эгэл даруу ижий, эцгийн минь голомт сэтгэлийг минь хорьдог
Энгэртээ тэвэрсэн үр, насны минь хань намайг хорьдог Элгэн садан ард түмэн,
Эх орон минь намайг хорьдог
Энэнээс илүү эрх чөлөөгөөр орчлонд би яах юм бэ?

НИСЭХСЭН

Нисэхсэн
Бүүр холын салхинд дайгдан холын тэртээ рүү нисэхсэн
Бүтэлгүй амьдарлын бараан үүлсээс дээгүүр хөөрч
Бүрэг ичимхий бүсгүй аалиа гээгээд
Болчимгүй насны алдаа бүрээ орхиод холын тэнгэр лүү нисэхсэн
Нисэхсэн
Хэний ч үл мэдэх тэр л гариг руу одохсон
Хэрэггүй нулимс, жаргал, зовлон бүгдийг хаяад явахсан
Хийрхэл дүүрэн хорвоогийн амьдарлаас ховхорч
Хайр энэрэлээр бялхсан тэр л газрыг олохсон
Нисэхсэн

12/14/11

ШИНЭ ЖИЛИЙН МЭНД ХҮРГЭЕ.